Guardians of the Galaxy (2014) mmsub

အလွန်အမင်းဝမ်းနည်းဒေါသဖြစ်နေတဲ့ ကောင်လေးတစ်ယောက် ကင်ဆာရောဂါနဲ့ဆုံးပါးသွားတဲ့ အမေ့ရဲ့အနားကနေ ပြေးထွက်သွားတဲ့အချိန် ဘယ်ကမှန်းမသိတဲ့ ယာဉ်တစ်စီးရဲ့ခေါ်ဆောင်သွားမှုကိုခံခဲ့ရပြီး အဲ့ဒီကောင်လေးကပီတာကွေးလ်(စတားလော့ဒ်) ဖြစ်လာခဲ့ပါတယ်။ တစ်နေ့မှာ စတားလော့ဒ်တစ်ယောက် မိုရက်ဂျ်ဂြိုဟ်ပေါ်က ဘာမှန်းမသိတဲ့စက်လုံးတစ်ခုကို သူ့ရဲ့အဖွဲ့ဖြစ်တဲ့ ရာဗက်ဂျာ ရဲ့ခေါင်းဆောင်ယွန်ဒုကို ကွက်ကျော်ရိုက်ပြီး သွားယူခဲ့တဲ့အချိန် ထိုစက်လုံးကိုလိုချင်နေတဲ့ ရိုနန် လို့ခေါ်တဲ့ ခရီးလ် မျိုးနွယ်ဝင်တစ်ယောက်ကလည်း သူ့ရဲ့လူတွေကိုပါစေလွှတ်ခဲ့ပါတယ်။
သူတို့တွေ မိုရက်ဂျ်ဂြိုဟ်ပေါ်မှာတွေ့ဆုံခဲ့ပြီး စတားလော့ဒတစ်ယောက် ထိုစက်လုံးနဲ့အတူထွက်ပြေးလာနိုင်ခဲ့ပေမယ့် ထိုစက်လုံးကို စတားလော့ဒ်တစ်ယောက် ဇန်ဒါဂြိုဟ်ပေါ်က ဝယ်မယ့်သူဆီသွားရောင်းတဲ့အခါ ထိုစက်လုံးကို ရိုနန် ကလည်း လိုက်နေတာသိသွားတော့ မဝယ်တော့ဘဲ စတားလော့ဒ်ကိုနှင်ထုတ်ခဲ့တယ်။ နှင်ထုတ်ခံလိုက်ရတဲ့ စတားလော့ဒ် တစ်ယောက်ဟာ ရိုနန် လွှတ်လိုက်တဲ့ ဂမိုရာနဲ့တွေ့ဆုံခဲ့ပြီး စက်လုံးအလုခံလိုက်ရတယ်။
အဲ့အချိန်မှာပဲ မျိုးဗဇပြောင်းလဲထားတဲ့ ရက်ဒ်ကွန်းပန်ဒါမျိုးဖြစ်တဲ့ ရော့ကတ်နဲ့ စကားပြောတတ်တဲ့သစ်ပင်ဖြစ်တဲ့ ဂရုတို့နှစ်ယောက်ဟာ ယွန်ဒုရဲ့ဆုငွေထုတ်ခြင်းခံထားရတဲ့ စတားလော့ဒ်ကိုဖမ်းဆီးဖို့ကြိုးစားကြတယ်။ သူတို့ ၄ ယောက် ရုန်းရင်းဆန်ခတ်ဖြစ်နေတုန်း ဇန်ဒါ မှာရှိတဲ့ နိုဗာရဲတပ်ဖွဲ့က သူတို့ကိုဖမ်းဆီးပြီး ကေးန်ဆိုတဲ့ထောင်မှာ အကျဉ်းချလိုက်တယ်။
အဲ့မှာသူတို့ ၄ ယောက်နဲ့ ဂလက်ဆီရဲ့ဂါးဒီးယန်း နောက်ဆုံးအဖွဲ့ဝင်ဖြစ်လာမယ့် ဒရက်စ်နဲ့တွေ့ဆုံခဲ့ပြီး ကမောက်ကမတွေနဲ့ ထောင်ဖောက်ပြေးရပြီး စက်လုံးကို နိုးဝှဲလို့ခေါ်တဲ့နရာမှာ သွားရောင်းစားခဲ့ကြတယ်။ အဲ့မှာထိုစက်လုံးထဲက အရာဟာ ဖျက်စွမ်းအားအရမ်းကြီးတဲ့ ပစ္စည်းတစ်ခုဖြစ်နေပြီး ရိုနန် ကလည်း ထိုပစ္စည်းကို လာရောက်လုယူသွားသောအခါ ဘာတွေဆက်ဖြစ်မယ်ဆိုတာ…